Se t'trov u'n'amig trov un tesòr,
l'è un pez c'al sint a dì,
l'è vèra a so d'acòrd.
T'è un pensièr ch'ut turmèinta un ti da pèsa,
ta n'è è curag' a dil ad chèsa,
i putria nu capì: èch è mumèint per cunfidèt sè tu amig.
Una porta sampra vèrta, una porta spalanchèda,
u n'amicizia fata ad rispèt,
du ch'u n gni sarà mai e post,
per l'invigia ò l'interès.
Quèst l'èra è mi amig Bertino Cicchetti,
l'avèva un soranòm e "Cardinel".
L'è mort do an fa e pèr l'amicizia ch'us ligheva
e su arcòrd un murirà mai.
At salut Bertino, at salut amig, at salut fradel
È s'lè vèra che dòp mort u i è un'ènta vita,
a so sicur ch'a s'incuntrarèm d'lèlt.
E tu amig Dario Casali